لہور (اے پی پی) پنجند دی جاہ تے اُچے درجے دی چھل اے تے پاݨی دا وہݨ 5 لکھ 75 ہزار کیوسک اے۔ آندے 48 گھنٹے اچ ہیڈ محمد والا تے شیر شاہ پُل تے پاݨی گھٹ ویسے ۔ ترجمان پی ڈی ایم اے موجب، ہیڈ محمد والا تے پَاݨی 410.5 فٹ جݙاں جو ودھ سارا درجہ 417.5 فٹ اے۔ شیرشاہ برج تے پاݨی د ا وہݨ 392.7 فٹ جݙاں جو ودھ درجہ 393.5 فٹ اے۔ دریائے راوی اچ جسر تے پاݨی 12 ہزار کیوسک تے نارمل اے۔ شاہدرہ تے 31 ہزار کیوسک تے نارمل اے۔ بلوکی ہیڈ ورکس تے 48 ہزار کیوسک تے نارمل چھل اے ۔ خانکی ہیڈ ورکس تے 68 ہزار کیوسک تے نارمل اے۔ ہیڈ سدھنائی تے 57 ہزار کیوسک تے درمیانے درجے دی چھل اے ۔ دریاۓ ستلج گنڈا سنگھ والا تے 83 ہزار کیوسک تے نارمل چھل اے ۔ سلیمانکی تے 87 ہزار کیوسک تے نارمل چھل اے ۔ دریائے چناب اچ مرالہ تے نارمل اے۔ قادر آباد تے 61 ہزار کیوسک اے۔ ہیڈ تریموں تے 1 لکھ 8 ہزار کیوسک تے نارمل اے۔ پی ڈی ایم اے دے ترجمان دا آکھݨ اے جو پنجاب دے دریاواں دے اُتلے علاقیں اچ مینھ دا سلسلہ گھٹ ڳئے تے دریاواں دا وہݨ نارمل سطح تے آندا پئے ۔ ڈی جی پی ڈی ایم اے عرفان علی کاٹھیا آکھیا جو وزیراعلی دی ہدایت تے سارے محکمے الرٹ ہن تے شہریاں دی جان و مال دے تحفظ کیتے سارے وسائل استعمال کیتے ویندے پئن۔
.jpg)
