راولپنڈی۔15اگست (اے پی پی) پاک فوج سوات اتے باجوڑ دے سیلاب توں متاثرہ علاقیاں اچ فلڈ ریلیف آپریشن شروع کر ݙتا، پاک فوج دی ٹیماں ݙینھ رات امدادی سرگرمیاں اچ مصروف ہن، سیلاب زدگاں کوں محفوظ جہیں تے منتقل کیتا ویندا پئے۔ تفصیلات موجب باجوڑ اچ ہیلی کاپٹراں دے ذریعے نہ صرف لوکاں کوں ریسکیو کیتا ویندا پئے بلکہ راشن اتے دوائیں ونڈاوݨ دا کم وی جاری اے۔ پاک فوج دی آمد تے متاثرین “پاک فوج زندہ باد” دے نعرے لاتے۔ پاک فوج ولوں سارے سیلاب زدگاں کوں بحفاظت ریسکیو کر تے محفوظ جہیں تے منتقل کرݨ تئیں آپریشن جاری رکھݨ دا عزم کیتا ڳیا۔
.jpg)
