اسلام آباد۔23مارچ(اے پی پی) چیئرمین سینیٹ سید یوسف رضا گیلانی آکھیے یومِ پاکستان دا ݙینھ اپݨے پیارے وطن کوں ترقی، خوشحالی اتے استحکام دے رستے تے ٹورݨ دے عہد دی تجدید دا ݙینھ اے ، قائداعظم محمد علی جناح دی بصیرت تے علامہ محمد اقبال دے افکار دی روشنی اچ وطن عزیز کوں ھک جدید، جمہوری، ترقی یافتہ تے فلاحی ریاست بݨاوݨ سانڳے اپݨی ساری توانائیاں صرف کرݨیاں ہوسن ۔ چیئرمین سینیٹ سید یوسف رضا گیلانی 23 مارچ دے موقع تے سینیٹ سیکرٹریٹ میڈیا ڈائریکٹوریٹ توں جاری آپݨے خصوصی پیغام اچ آکھیے جو اڄ دا ݙینھ پاکستان دی تاریخ اچ ٻہوں اہمیت رکھیندے ، 23 مارچ 1940 کوں برصغیر دے مسلماناں ھک انڄ تے خودمختارریاست دے قیام دا عہد کیتا ہئی ۔ چیئرمین سینیٹ آکھئے قراردادِ پاکستان برصغیر دے مسلماناں کوں ھک مشترکہ منزل دے پاسے ٹوری ۔ انہاں آکھیے جو یومِ پاکستان اساکوں ایں وعدے دی تجدید کرݨ دا موقع ݙیندے جو اساں ایں ملکوں کوں ترقی ، خوشحالی اتے استحکام دے رستے ٹورݨ اچ کوئی کسر نہ چھوڑیسوں ۔ چیئرمین سینیٹ مزید آکھیے قائداعظم محمد علی جناح دی بصیرت تے علامہ محمد اقبال دے افکار دی روشنی اچ وطن عزیز کوں ھک جدید، جمہوری، ترقی یافتہ تے فلاحی ریاست بݨاوݨ سانڳے اپݨی ساری توانائیاں صرف کرݨیاں ہوسن۔ انہاں آکھیے جمہوریت دا استحکام، آئین و قانون دی بالادستی، قومی یکجہتی ، اداریں دی مضبوطی ھک تکڑے تے مستحکم پاکستان دے پاسے گھن ونڄ سڳدن ۔ چیئرمین سینیٹ دعا کیتی جو اللہ تعالیٰ ساݙے پیارے وطن کوں ہمیشہ امن و استحکام عطا کرے اتے ایں کوں ترقی دے رستے پڄاوے۔
.jpg)
.jpg)
