اشک آباد۔2جون(اے پی پی) سینیٹ دے چیئرمین سید یوسف رضا گیلانی دی ترکمانستان دے وزیر خارجہ راشد میریدوف نال ملاقات تھئی جیندے وچ ݙوطرفہ تعلقات تے تفصیلی ڳالھ مہاڑ کیتی ڳئی۔ سینیٹ سیکرٹریٹ موجب چیئرمین سینیٹ ترکمانستان ولوں پرتپاک مہمان نوازی تے شکریہ ادا کیتا اتے پاکستان ولوں ترکمانستان دی مستقل غیرجانبداری دی پالیسی دی بھرپور حم??یت دا اعادہ کیتا۔ انہاں سیاسی، تجارتی اتے کاروباری تعلقات ودھاوݨ دی اہمیت تے زور ??ین??ے ݙوطرفہ تجارت وچ ودھارے دی لوڑھ کوں اجاگر کیتا۔ ملاقات وچ تاپی، ٹی اے پی اتے فائبر آپٹک منصوبیں تے وی تفصیل نال غور کیتا ڳئے۔ چیئرمین سینیٹ علاقائی رابطیں (ریجنل کنیکٹیویٹی) دی اہمیت تے زور ??ین??ے ہوئیں ترکمانستان کوں گوادر اتے کراچی دیاں بندرگاہواں دے استعمال اتے سرمایہ کاری دی دعوت ݙتی۔ وزیر خارجہ ترکمانستان سٹریٹجک مقصد دے حصول کیتے عملی اقدامات چاوݨ دی تجویز ݙتی جیندے وچ ترکمانستان وچ تعمیراتی منصوبیں کیتے پاکستان توں ماربل دی درآمد اتے اعلیٰ سطحی دوریاں اچ ودھارا شامل اے تاں جو ݙو پاسے تعلقات کوں مزید تکڑا کی??ا ونڄے۔ ملاقات دے دوران سینیٹرز جان محمد بلیدی، حاجی ہد??یت اللہ اتے وقار مہدی وی موجود ہن۔
.jpg)
.jpg)