اسلام آباد۔6اگست (اے پی پی) وزیراعظم دے معاون خصوصی صنعت و پیداوار ہارون اختر خان نال اتھاں پاکستان اچ جاپان دے سفیر آکاماتسو شویچی ملاقات کیتی۔ ملاقات اچ جاپانی سفیر ہارون اختر خان کوں باضابطہ طور تے ورلڈ ایکسپو 2025 اچ شرکت کیتے جاپان دا دورہ کرݨ دی دعوت ݙتی جتھاں او پاکستانی پویلین اچ پاکستان دی نمائندگی کریسن اتے ملک دے ثقافتی ورثے کوں نمایاں کریس??۔ معاون خصوصی ہارون اختر خان آپݨے ایں دورے دے دوران جاپان دے اعلیٰ حکومتی عہدیداراں بشمول وزیر خارجہ نال وی ملاقات کریسن۔ ایں موقع تے ڳالھ مہاڑ کریندیں انہاں آکھیا جو “اے دورہ پاکستان اتے جاپان دے ݙو طرفہ تعلقات کوں تکڑا بݨاوݨ اچ ہک اہم سنگ میل ثابت تھیسی۔ انہاں آکھیا جو میں پہلے وی جاپان ڳیاں اتے جاپانی عوام دی محنت اتے ٹیکنالوجی توں ٻہوں تاثر ڳھدے، جاپانی مصنوعات ہمیشہ آپݨے اعلیٰ معیار پاروں قابل اعتماد سمجھیاں ویندن۔ حکومت دے وژن کوں نمایاں کریندیں ہارون اختر خا?? آکھیا جو وزیراعظم شہباز شریف دی قیادت اچ اساں نویں انڈسٹریل پالیسی اتے نیو انرجی وہیکل پالیسی متعارف کرویندے پیوں جنہاں دا مقصد سرمایہ کاری کوں ودھاوݨ اتے کاروباری سوکھ پیدا کرݨ اے، جاپانی سرمایہ کاراں کیتے پاکستان اچ سرمایہ کاری دا اے بہت??ین ویلھا اے۔” انہاں مزید آکھیا جو “پاکستان جاپان دے نال تجارتی و سرمایہ کاری دے تعلقات کوں ودھاوݨ کیتے پرعزم اے اتے اے شراکت داری لمبے عرصے دی معاشی ترقی کیتے سودمند ثابت تھیسی۔” ہارون اختر خان 12 اگست 2025ء کوں جاپان دے سرکاری دورے تے روانہ تھیسن
.jpg)
