جہلم ۔ 4 دسمبر (اے پی پی) صدر مملکت ڈاکٹر عارف علوی جہلم دے نیڑے پاک فوج دی فائرنگ رینج دادورہ کیتے اتے ملک دے سب توں وڈے نشانہ بازی مقابلیاں ”39 ویں پاکستان آرمی رائفل ایسوسی ایشن سنٹرل میٹ“ دی اختتامی تقریب اچ شرکت کیتی۔انہان دا استقبال پاک فوج دے سربراہ جنرل قمر جاوید باجوہ کیتا۔ آئی ایس پی آر موجب پاکستان آرمی رائفل ایسوسی ایشن میٹ دےے چار ہفتیاں دے مقابلیاں اچ 25 ایونٹس تھین جیندے اچ مسلح افواج دیاں فورسز، ٹیم ایکس پنجاب، کے پی کے، اسلام آباد پولیس، ایئرپورٹ سیکورٹی فورس، لاہور گریژن شوٹنگ گیلری اتے فیڈرل رائفل ایسوسی ایشن دے 953 نشانہ بازاں نشانے چُٹین۔مقابلیاں اچ مختلف محاذاں تے زخمی تھیونڑآلے پاک فوج دے افسران و جواناں وی حصہ گھدے۔صدر مملکت مقابلیاں اچ جیٹنڑآلیاں کوں انعام ونڈین۔منگلا کور دے سپاہی محمد ندیم ”دی ماسٹر ایٹ آرم ٹرافی“جیتی جڈاں جو پاک فوج دی ٹیم دے لیفٹیننٹ کرنل (ر) ادریس رشید ”دی پریذیڈنٹس کپ نیشنل چیلنج میچ ٹرافی“گھدی۔صدر مملکت آکھیا جو نشانہ بازی کہیں وی فوجہ دی مہارت اتے اعزاز ہوندی اے،شہیداں کوں خراج عقیدت پیش کرنڑ دا بہترین طریقہ اے ہے جو اساں اپنڑے قومی مقاصدکیتے اگو تے ودھدے ہوئے قومی استحکام کیتے اپنڑا کردارادا کروں۔
.jpg)
