اسلام آباد۔2جنوری(اے پی پی)نائب وزیراعظم اتے وزیر خارجہ سینیٹر محمد اسحاق ڈار آکھیے جو حکومت پاکستان دے جوہری توں اقتصادی طاقت تئیں دے سفر کوں مکمل کرݨ اتے ڄڳ اچ اچا مقام ݙیواوݨ کیتے ودھ کوشش کریندی پئی اے۔ ??ے ڳالھ انہاں دفتر خارجہ اسلام آباد اچ پریس کانفرنس نال خطاب اچ آکھی۔ انہاں ملک اچ اقتصادی استحکام اتے سفارتی کوششاں کوں ݙو طرفہ و کثیر الجہتی مصروفیات نال ودھاوݨ دا ݙسیندے آکھیے جو ایندے نال سال 2025 اتے 2026 کیتے اقوام متحدہ دی سلامتی کونسل اچ غیر مستقل رکن دے ط??ر تے پاکستان دی ݙوسالہ مدت دا آغاز تھئے۔ نائب وزیراعظم آکھیے جو حکومت اپݨے پہلے 10 مہین اچ پاکستان دے سفارتی رابطے ودھاوݨ دی کوشش کیتی اتے اے تاثر مکائے جو پاکستان کلہا اے۔ ??نہاں آکھیا جو حکومت کوں وݙے چیلنجز ملین ٻھل حکومت دی دانشمندانہ اقتصادی پالیسیاں نال پالیسی ریٹ کوں 13 فیصد، افراط زر 5 فیصد توں ڳھٹ اتے ترسیلات زر، زرمبادلہ دے ذخائر اتے برآمدات ودھ ڳن۔ انہاں آکھیا جو وزیراعظم دے غیر ملکی دوریاں نال موثر روابط دے بعد پاکستان اچ تقریباً 29 ارب ڈالر دی سرمایہ کاری دا امکان اے، ایں ڳالھ مہاڑ اچ پاکستان موثر طریقے نال مسئلہ کشمیر اتے اسرائیل ولوں فلسطینیاں دی جاری نسل کشی دے مسئلہ کوں چاتا ڳئے۔ گیمبیا اچ او آئی سی سربراہی اجلاس اچ پاکستان دی کوشش نال اسلامو فوبیا تے او آئی سی دا ایلچی مقرر کیتے، پاکستان فلسطین دے مسلے تے آئی سی جے دے فیصلے تے عملدرآمد بارے بھرپور وکالت اتے اسرائیل دی مذمت کیتی، پاکستان فلسطینی میڈیکل طلباء دی میزبانی سودھا غزہ، شام و لبنان اچ وی امدادی سامان ٻھیڄے۔ ??نہاں ݙسایا جو برطانیہ دی مانیٹرنگ ٹیم جنوری اچ پاکستان آسی ڄیڑھی برطانیہ کیتے پی آئی اے دیاں پروازاں دی بحالی کوں حتمی شکل ݙیسی ڄݙاں جو یورپی یونین پہلے ہی پی آئی اے دیاں پروازاں توں پابندی ہٹا چکی اے۔
