اسلام آباد۔25ستمبر(اے پی پی) وزیر اعظم محمد شہباز شریف آکھیے اخباراں جمہوریت کوں ودھارا ݙیوݨ ، ساݙی آئینی اقدار دے تحفظ اتے شفافیت دی حمایت سانڳے آپݨی وابستگی دا مسلسل مظاہرہ کیتے، سوشل میڈیا دے ایں دور اچ جتھاں غلط معلومات کھنڈیاں ہوئیاں ہن اتھاں اخبارات مست??د معلومات تئیں ساݙی رسائی یقینی بݨیندے ہوئیں چنڳی طرح تحقیق شدہ ا??ے حقائق تے مبنی خبراں شائع کریندن ۔ نیشنل نیوز پیپر ریڈر شپ ڈے دے موقع تے آپݨے سنھیے اچ وزیراعظم آکھیے جو اخباراں دے قومی ݙینھ تے اساں اخباراں دی ناگزیر شراکت کوں آپݨی جمہوریت دے سنگ بنیاد دے طور تے منیندوں تے ، پوری تاریخ اچ پریس دے ذریعے تیار کیتے ڳئے بیانیے عوامی ڳالھ مہاڑ دی تشکیل اچ ھک تبدیلی دا کردار ادا کیتے، فکری اتے نظریاتی بیداری دے دور اچ اخباراں تبدیلی دا کردار اداکیتے، عوام کوں قابل اعتماد معلومات ݙے تے جذبہ بیداری کوں ودھارا ݙتے ۔ انھاں آکھیے ساݙے آپݨے سفر دی عکاسی کریندے پاکستان دی تحریک آزادی دے ا??م لمحات اچ اخباراں ساݙی قوم دے بانیاں دی طاقتور آواز بݨ ڳئن جیں پورے جنوبی ایشیا اچ مسلم کمیونٹی کوں ھک مٹھ کیتے ، ایندے بع?? سالاں اچ انھاں اہم اشاعتاں جمہوریت کوں ودھارا ݙیوݨ ، ساݙی آئینی اقدار دے تحفظ اتے شفافیت دی حمایت سانڳے آپݨی وابستگی دا مسلسل مظاہرہ کیتے ، ایں دور اچ جتھاں غلط معلومات کھنڈیاں ہوئیاں ہن ، اخبارات مست??د معلومات تئیں ساݙی رسائی کوں یقینی بݨیندے ہوئیں چنڳی طرح تحقیق شدہ ا??ے حقائق تے مبنی خبراں پیش کریندن ۔ وزیراعظم آکھیے سوشل میڈیا اتے آن لائن پلیٹ فارمز دے ودھݨ نال پرنٹ میڈیا دی اہمیت گھٹ نی تھئی ، عصری دنیا اچ پرنٹ میڈیا دی مطابقت ٻئی زیادہ نمایاں تھی ڳئی اے جتھاں سوشل میڈیا ساݙے معلومات تئیں رسائی دے طریقے اچ انقلاب برپا کیتے اتھاں ایں نقلی خبراں تے غلط معلومات دی شکل اچ چیلنجز وی پیدا کیتن ، اخبارات اپݨے بݨائے ڳئے ادارتی معیارات اتے حقائق دی جانچ دے سخت عمل نال ڈیجیٹل شور اتے الجھن دے ویلھے معلومات دے قابل اعتماد ذریعہ دے طور تے کم کریندے رہندن، او جوابدہی دی سطح ݙیندن تے جیڑھے اکثر آن لائن جاہیں تے غائب رہندے ، ایں ڳالھ کوں یقنی بݨیندے سچائی نال سمجھوتہ نہ کیتا ونڄے ۔ ھک باخبر معاشرے دی طاقت کوں گھٹ نی کیتا ونڄ سڳدا ، باخبر شہریاں دے ذریعے ہی ہم ھک تکڑا تے زیادہ لچکدار پاکستان بݨا سڳدوں ، میں ہر بندے دی حوصلہ افزائی کرینداں جو او اخبار پڑھݨ دی عادت بݨاوے ، کیوں جو اے نقلی خبران دا مقابلہ کرݨ تے ذمہ وار شہریت دے کلچر کوں ودھارا ݙیوݨ دی کلید اے ۔ آؤ اساں رل تے آپݨی روزانہ زندگی اچ اخبارات دے کردار کوں تکڑا کرݨ سانڳے کم کروں تے ایں انمول ادارے دی مدد کروں تاں جو اے دیانتداری اتے لڳن نال ساݙی قوم دی خدمت جاری رکھ سڳے۔
