اسلام آباد۔2اکتوبر(اے پی پی)نائب وزیراعظم اتے وزیر خارجہ سینیٹر محمد اسحاق ڈار ٹمپرڈ اے ضبط شدہ گاݙیاں بارے اعلیٰ سطح کمیٹی دے جائزہ اجلاس دی صدارت کیتی اتے نیلامی شفاف بݨاوݨ کیتے ٹیکنالوجی تے مبنی حل کوں اپݨاوݨ دے حکومتی عزم دا اعادہ کیتے۔ اجلاس دے دوران ایف بی آر دے حکام غیر کسٹم ادا تھیوݨ آلیاں گاݙیاں کیتے تجویز کردہ آن لائن/ای نیلامی ماڈیول تے ہک تفصیلی بریفنگ ݙتی جیندا مقصد مذکورہ گاݙیاں دی نیلامی اچ ودھ توں ودھ شفافیت، ایفیشنسی اتے غیر جانبداری کوں یقینی بݨاوݨ اے۔ نائب وزیر اعظم اتے وزیر خارجہ ٹیکنالوجی تے مبنی حل کوں اپݨاوݨ دے حکومتی عزم دی تائید کیتی جیڑھے شفافیت ودھیندن اتے قیمتی عوامی وسائل دا تحفظ یقینی بݨیندن۔ اجلاس اچ وفاقی وزیر برائے قانون و انصاف، وزیر اعظم دے معاون خصوصی برائے خزانہ طارق باجوہ، چیئرمین ایف بی آر اتے سیکرٹری وزارت اطلاعات و نشریات شرکت کیتی۔
