اسلام آباد۔31اگست (اے ??ی پی):وزیر خارجہ مخدوم شاہ محمود قریشی آکھیے جو افغانستان کوں انسانی المیے توں بچاوݨ کیتے عالمی برادری دا تعاون ناگزیر اے،عالمی برادری ایں موقع تے افغانستان کوں کلھا نہ چھوڑے تے انہاں دی معاشی معاونت کوں جاری رکھیا ونڄے ۔ منگل کوں جرمن وزیر خارجہ ہائیکو ماس دے ر??ے وزارت خارجہ اچ مشترکہ پریس کانفرنس توں خطاب کریندے ہوئیں شاہ محمود قریشی آکھیے جو اڄوکے سال جرمنی دے نال اساݙے سفارتی تعلقات کوں ستر سال مکمل تھیوݨ ویندے پئن،ایں موقع تے اساں انہاں 70سالہ سفارتی رابطے کوں ب??تر??ن انداز اچ مناوݨ دا ارادہ رکھیندوں ، جرمنی یورپین یونین اچ پاکستان دا ساریں توں وݙا تجارتی حلیف ہے جݙاں جو پاکستان اچ 35 جرمن کمپنیاں کامیابی دے نال کم کریندیاں پئن۔وزیر خارجہ آکھیے جو ݙوہیں ملکاں وچال ݙو پاسے تجارت ودھاوݨ تے قابلِ تجدید توانائی، تعمیرات،انفارمیشن ٹیکنالوجی، گاݙیاں دی صنعت، سودھے ٻہوں سارے شعبیں اچ تعاون ودھاوݨ دے ٻہوں سارے موقع موجود ہن انہاں آکھیے جو جرمنی سی پیک دے تحت، خصوصی اقتصادی زونز اچ سرمایہ کاری کر سڳدے ایندے علاوہ دفاعی شعبے اچ پاکستان تے جرمنی دے درمیان ب??تر??ن تعلقات ہن۔شاہ محمود قریشی آکھیے جو ݙو پاسے تعلقات کوں مزید مستحکم بݨاوݨ کیتے ویزہ دے اجراء اچ سہولت ، معاونت دا باعث تھی سڳدی اے ۔
