اسلام آباد۔13مارچ (اے پی پی):وفاقی وزیر اطلاعات و نشریات عطاءاللہ تارڑ آکھیے جو پی ٹی آئی یورپی یونین کوں غلط بیانی تے مبنی بیانیہ ݙے تے پاکستان دے خلاف سازش کریندی پئی اے، اے او لوک ہن جنہاں 9 مئی کوں حملے کرتے شہداءدی یادگاراں کوں مسمار کیتا، پی ٹی آئی دے ترجماناں کوں جیل توں ملک کوں ضیان پڄاوݨ دی ہدایات ملدیاں پئن ۔ کہیں کوں معیشت کوں ضیان پڄاوݨ دی اجازت نہ ݙیسوں ۔ عمران خان سودھے سارے قیدیاں دی سکیورٹی یقینی بݨاوݨ جیل حکام تے متعلقہ حکومت دی ذمہ واری ہوندی اے ۔ او پی ٹی وی ہیڈک??ار??رز اچ پریس کانفرنس توں خطاب کریندے پئے ہن ۔ وفاقی وزیر عطاء اللہ تارڑ آکھیے جو بطور وزیر اطلاعات پوری کوشش ہوسی جو میڈیا ورکرز اتے صحافیاں دی فلاح و بہبود سانڳے اقدامات ??او??ں ۔وزارت اطلاعات دے دروازے صحافیاں سانڳے کھلیے پئن،میݙی کوشش ہوسی جو حکومت اتے میڈیا وچال پل دا کردار ادا کراں۔ انہاں آکھیے وزیراعظم شہباز شریف منصب سنبھلیندے ہی معیشت کوں پیش آندے چیلنجز نال نبݨݨ دی حکمت عملی تے کم شروع کیتے ۔ گزریل ݙینھ بلومبرگ پاکستان دی معیشت کوں بہتر کرݨ دی صلاحیت رکھݨ دے حوالے نال وزیراعظم دا ذکر تھئے ۔بلومبرگ محمد اورنگزیب دے بحیثیت وزیر خ??ان?? انتخاب کوں بہترین انتخاب قرار ݙتے۔وزیر خ??ان?? محمد اورنگزیب عالمی سطح تے تجربہ کار معیشت دان ہن۔
