اسلام آباد۔11جولائی(اے پی پی) وزیراعظم محمد شہبازشریف آکھیے معاشی ترقی ?? لوکاں دا رہݨ سہݨ چنڳاں کرݨ تے غربت گھٹاوݨ سانڳے آبادی ودھݨ دے مسئلے نال نبݨݨ تے وسائل اتے آبادی دے حجم وچال توازن پیدا کرݨ د?? لوڑھ اے۔ حکومت نینگراں کوں معیاری تعلیم تے پیشہ وارانہ تربیت ݙیوݨ سانڳے پر عزم اے۔ وزیراعظم آفس دےمیڈیا ونگ توں جاری بیان موجب اے ڳالھ وزیراعظم آبادی دے جڳ ݙیھاڑ تے آپݨے سنھیے اچ آکھی ۔ وزیراعظم شہباز شریف آکھیے اساں آبادی دے مسئلیں دی اہمیت تے قومی ترقی ت?? انہاں دے اثرات تے غور کرݨ سانڳے عالمی برادری دے رلے اوں۔ پاکستان دی آبادی، جیں دا تخمینہ ایں ویلھے تقریباً 24 کروڑ توں ودھ تے ایندے اچ 2.55 فیصد دی اتلی شرح نال ودھدا پئے تے اندازہ لاتا ڳئے جو پاکستان دی آبادی 2030 تئیں 26کروڑ 30 لکھ اتے 2050 تئیں 38کروڑ 30 لکھ تھی ویسی۔ وزیراعظم آکھیے اڄوکے سال آبادی دے جگ ݙیھاڑ دا موضوع “ساریں سانڳے ھک لچکدار تے مساوی مستقبل سانڳے جامع ڈیٹا دی ت??اری”اے جیڑھا پاکستان سانڳے ساݙے وژن دی عکاس اے۔ وزیراعظم آکھیے اساں اے ڳالھ یقینی بݨاوݨ سانڳے پرعزم ہیسے ساݙیاں پالیسیاں تے پروگراماں اچ پورے پاکستان توں ہر بندہ ، کمیونٹی ت?? آواز کوں رلایا ونڄے۔ جامع ڈیٹا اساکوں صحت تے تعلیم توں گھن تے معاشی موقع اتے سماجی تحفظ تئیں انہاں شعبیں دی نشاندہی دے قابل بݨیندے جیڑھا ساݙی کوششاں دے متقاضی ہن ۔ وزیراعظم آکھیے معاشی ترقی ?? لوکاں دا رہݨ سہݨ چنڳاں بݨاوݨ آبادی ودھݨ دے مسئلےنال نبݨݨ تے وسائل تے آبادی دے حجم وچال توازن پیداکرݨ کرݨ د?? لوڑھ اے ۔ وزیراعظم آکھیے آپݨی حکومت کوں وکھر?? لوڑھ تے آبادی دے چیلنج دا پورا پتہ اے۔ اساں ھک ایجھے معاشرے بݨاوݨ سانڳے کم کرسڳدوں جتھاں آپݨے وسائل تے ترقی دے موقع تئیں برابر دی رسائی ہووے ۔ وزیراعظم آکھیے آبادی دا وݙا حصہ نینگراں دا اے جیں اچ 65 فیصد آبادی 30 سال توں گھٹ عمر دے نینگراں دی اے تے آبادی دا اے تناسب ملک سانڳے موقع اتے چیلنجزدا سبب اے۔ پاکستان دے نینگر معاشی ترقی، جدت تےسماجی ترقی کوں اڳوݨ ودھاوݨ دی صلاحیت رکھیندن ݙوجھے پاسے نینگراں دی وݙی آبادی کوں تعلیم، روزگار تے سماجی انضمام دا چیلنج اے۔ ساݙی حکومت تکھے ابھردی عالمی معیشت اچ مقابلے سانڳے ایں نینگر کوں معیاری تعلیم تے ہنر دی تربیت ݙیوݨ دی آپݨی کوششاں اچ پرعزم اے۔ وزیراعظم آکھیے اساں نینگراں سانڳے ملازمت دے وݙے موقع بݨیندے پیوں تاں جو او صلاحیتاں ورتا سڳن ۔ وزیراعظم سارے متعلقہ فریقین، سرکاری محکمیں، سول سوسائٹی، نجی شعبے تے بین الاقوامی شراکت داراں تے زور ݙتے او چنڳے مستقبل سانڳے ساݙیاں کوششاں اچ ہتھ ونڈاون اساں ھک ایجھا پاکستان بݨا سڳدوں جتھاں آبادی دی پائیدار نمو دے ذریعے عزت، سلامتی ت?? خوشحالی دی زندگی مل سڳے
